Unfasslich 70 - Aufzug Diskussionen

San de zdeppat?

Nachdem der Aufzug in meinem Haus zum vierten Mal dieses Jahr mehrtägig außer Betrieb ist, gehen die Wogen hoch.
Herr M. und Herr K. – beide Mitte 50 – unterhalten sich im Erdgeschoß.
Herr M.: „Mi regt des afoch nua mehr auf! Des vierte Moi is des jetzt scho heier… I man san de zdeppat an Lift zu bauen, der funktioniert?“
Herr K.: „Ma muass se wirkli wundern…“
Herr M.: „Na, i man echt: san de zdeppat?“
Herr K.: „Najo,…“
Herr M. „Und wos haaßt bitte „Bremsen kaputt“??? Wos mochen de do bitte?“
Herr K.: „Najo, jo…“
Herr M.: „Wos i jo a ned vasteh, wos dauert do so long bei da Reparatur? Do is der togelong außer Betrieb… Wos moch i, wonn i schwere Eikaufssackln trog?“
Herr K.: „Jo do hom’s recht…“
Herr M.: „I man, de zah i doch ned üwa de Stiagn in mei Wohnung auffe!“
Herr K.: „In wöcham Stock wohnan Se leicht?“
Herr M.: „Im ersten, warum?“
Na guad.
© Eiki

Mehr Unfassliches findest du hierUnfasslich auf Facebook