De Trotteln.

Zwei ca. 60-jährige Rapidler diskutieren in der U3 über die wichtigen Dinge im Leben.

Wäudl (verhindert ein Aufstoßen mit beiden Händen vorm Mund): „Oiso, i bin eigentlich, komma sogn, bei an jedn Match dabei. Und bsoffn. Oft waaß i donn gorned, wias übahaupt valurn hom, wö gwinna dua ma e nix. De Trottln. Do muasst jo saufn.“ (Erneutes Aufstoßen)
Ferdl: „Rapid des is wos Schenes! A Familije quasi.“
Wäudl: „Waaßt, do wochst auf in da Fruah und do waaßt, heit is a Match und du siagst deine Habara wieda!“
Ferdl: „Siagst du deine Habara sunst ned?“
Wäudl: „Na oja. Beim Wirtn. Wieso jezan? Jo herst, loss mi ausredn!“ (Geht kurz haas. Weiß aber nach wenigen Sekunden nicht mehr warum eigentlich und beruhigt sich wieder)
„I hob jo a „Rapid-Tschelleeee. A Jeans-Tschelleee. Mit lauta Aufnähern. Mit Rapid is supa und Tod und Hass dem FKK.“ (Wundert sich kurz, ob das jetzt richtig war. Verwirft den Gedanken aber nach wenigen Sekunden)
Ferdl: „Auf wöcha Tribüne bist du? Eh auf da West oda?“
Wäudl: „Auf da West, oida! Des is kloa! Do fress ia Wiaschtl und sauf zwa Bier. Oda drei. Donn gehi amoi eine. Donn sing i mit. Und kauf ma no wos zum Trinken! Des schitt i donn obe auf de Trottln.“
Ferdl: „Des schittst obe?“
Wäudl: „Na sicha, wonns an Schaas spün, schitti’s obe! Und de Trottln, de deppaten, de spün imma an Schaas! Letztes Moi bin i e zum Training gonga, damit i erna des amoi sogn konn! De wissn des jo gorned, wos fir an Schaas die zomspün …“
Ferdl: „I bin jo a auf da West. Oba wos mi nur steert is, doss de Rapidfans durtn imma ois rechtslastig bezeichnet werdn.“
Wäudl: „Oiso i steh eigentlich immer hinten in da Mittn.“