Der Renner

Treffen sich zwei alte Männer bei der Straßenbahnstation Dr. Karl Renner Ring. Einer davon sichtlich vom Alkohol gezeichnet. Der andere davon Korl, oder eigentlich nicht…

Ein alter Mann steuert mit einer halbvollen Bierdose schwankend auf einen anderen Mann zu.
Alter Mann (A.M.): „Korl! Doss ma di a amoi wieda wo sieht! Wie geht’s, wie steht’s? I nehm an, stehen tuat’s nimma so, haha.“ (zwinkert einer vorbeigehenden Dame zu)
Korl (K.): „I bin ned der Korl, Sie müssen mi verwechseln. Oba trotzdem danke der Nachfrage. Guad geht’s ma. Und stehn tuat’s wirkli nimma so.“
A.M.: „Korl, i sogs da. Erst vurher hob i on di denkt! Wegan Dr. Korl Renner Ring.“ Erwartungsvolle Pause. „Vastehst?“ Zwinkert ihm zu. „Dr. KORL Renner Ring…“
K.: „Jo, des hob i scho vastonden. Oba es gibt jo vüle Korl auf dera Wöd. Und da Dr. Renner wor hoid a ana.“
A.M. (sinniert über die Aussage): „Do host Recht, Korl, do host Recht.“
Korl möchte sich langsam dem Gehen widmen.
A.M. (ist noch lange nicht fertig): „Und warum haßt der donn Renner? Hod der wos rennan? Oder is er wo ogrennt?“ Wieder eine erwartungsvolle Pause. „Vastehst?“ Zwinkert wieder.
K.: „Vastehn tua i des.“
A.M. „Donn loch hoid amoi! Korl, du worst scho in da Schul so a ernster Mensch. Dir kumt ka Grinser zvü aus.“
K.: „Wie gsogt, i bin ned der Korl…“
A.M.: „… derst amoi worst! Jo, scho klor. Owa ans sog i da, des hob i glernt, Menschen ändern si ned. Ned amoi der Renner. Der rennt imma no umman Ring.“ Pause. „Vastehst?“
K.: „Der wor so schlecht, i speib mi on.“

Mehr Unfassliches findest du hier:
Unfasslich – Der BlogUnfasslich auf Facebook